Нидерландиялик собиқ футболчи Уэсли Снейдер ўзининг «Реал»даги фаолиятини ёдга олди.
«Ёш эдим, барчанинг диққат марказида эдим ва менга омадли бўлиш ёқарди. Бироқ Мадридда ҳаммаси бошқача бўлиб кетди. Гиёҳванд моддалар қабул қилмаганман, бироқ алокогол... Юлдузлардек яшашга ўрганиб қолгандим. Мени «Реал» футболчиси сифатида ардоқлашар эди, мен эса минглаб евро сарфлардим. Яхши ўйнардим, аммо бунданда кўпроғига қодирлигимни айтишарди.
Мадридда бир ўзим яшардим, кичик ўғлим Жессини жуда кам кўрардим. Ароқ идиши энг яхши дўстим бўлиб қолганини жисмонан сезмасдим. Эрталаблари худди ҳеч нарса бўлмагандек уйғонардим.
Ўйнашда давом этдим, бироқ ҳаммаси ёмонлашиб борди, диққат-эътиборни сусайтирдим. Ҳаммаси жойида дея ўзимни алдадим. Аввалги формамни йўқотгандим, кам югуриб, буни техника орқали беркитишга ҳаракат қилардим. Буни ҳеч ким сезмайди деб ўйлардим», — дейди Снейдер.
Снейдер 2007—2009 йиллар мобайнида «Реал» сафида тўп сурган ва клуб билан Испания чемпионати ва Суперкубогида ғолиб чиққан. «Аякс», «Интер», «Галатасарой», «Ницца» ва «Ал-Ғарафа» клубларида тўп ҳам сурган Снейдер 2019 йилнинг августида футболчилик фаолиятини якунлаганди.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)