«Манчестер Юнайтед» Англия чемпионатининг 31-тур баҳсида «Шеффилд Юнайтед»ни 3:0 ҳисобида мағлуб этди.
«Қизил иблислар» бош мураббийи Оле-Гуннар Сульшер учрашувнинг 80-дақиқасига қадар захира футболчиларидан фойдаланмади, аммо кейин бирданига беш футболчини майдонга туширишга қарор қилди. Скотт Мактоминай, Одион Игало, Хуан Мата, Даниэль Жеймс ва Андреас Перейра ўйинга қўшилган бўлса, Пол Погба, Маркус Рэшфорд, Бруну Фернандеш, Антони Марсьяль ва Мэйсон Гринвуд майдонни тарк этди.
Шундай қилиб, Сульшер Премьер Лига тарихида бир ўйин давомида бирданига бешта алмаштиришга қўл урган биринчи мураббийга айланди.
Қайд этиш жоиз, Сульшер «Манчестер Юнайтед»даги футболчилик фаолияти давомида захирадан майдонга тушиб, ўйинни кучайтира оладиган ўйинчи сифатида обрўга эга бўлган. Ҳатто, уни «супер захира ўйинчиси» деб ҳам аташган.
Эслатиб ўтамиз, коронавирус пандемияси туфайли узоқ давом этган танаффусдан кейин ФИФА жароҳатлар ва оғир юкламаларнинг олдини олиш мақсадида жамоаларга ҳар бир ўйинда бештадан футболчи алмаштиришга рухсат берган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)