Футбол бўйича Англия Премьер Лигасининг 31-турида «Ливерпуль» 24 июнь, чоршанба куни «Кристал Пэлас»ни қабул қилди.
Учрашувнинг 23-дақиқасида Трент Александер-Арнольд жарима зарбасини қойилмақом ижро этиб, ҳисобни очди. Биринчи бўлим якунланиши арафасида Муҳаммад Салоҳ жамоасининг иккинчи голини урди.
55-дақиқада Фабиньо узоқ масофадан кучли зарба йўллаган ҳолда чиройли гол муаллифига айланди. 69-дақиқада Садио Мане ўйинга нуқта қўйди — 4:0.
Ушбу ғалабадан сўнг «қизиллар»нинг очкоси 86 тага етди, жамоа мусобақа жадвалида якка пешқадам бўлиб турибди. «Кристал Пэлас» (42) эса 9-ўринда бормоқда.
АПЛ
31-тур баҳси
4 июнь, чоршанба
«Ливерпуль» — «Кристал Пэлас» 4:0
Голлар: 1:0 – 23 Александер-Арнольд, 2:0 – 44 Салоҳ, 3:0 – 55 Фабиньо, 4:0 – 69 Мане.«Ливерпуль»: Алиссон, ван Дейк, Гомес, Александер-Арнольд (Уильямс, 74), Робертсон (Эллиот, 84), Вейналдум, Фабиньо, Ҳендерсон (Окслейд-Чемберлен, 64), Мане (Кейта, 84), Салоҳ, Фирмино (Минамино, 74).
«Кристал Пэлас»: Ҳеннесси, Сако, Уорд, ван Анҳолт, Кэйхилл, Макартур (Ридевалд, 66), Таунсенд, Маккарти, Куяте (Миливоевич, 66), Заа (Майер, 15), Айю (Пьеррик, 84).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)