Бокс бўйича олти вазн тоифасида собиқ Жаҳон чемпиони Оскар де ла Ҳоя рингга қайтиш истаги борлигини маълум қилди.
«Биринчи навбатда Майк Тайсон нима қилишини кузатаман. Шуғулланяпман ва формамни сақлаб турибман. 12 раунд жанг қиладиган формада эмаслигим аниқ. Бироқ ўша даражага чиқишга ҳаракат қиламан. Кўрамиз.
Тайсонни амалда кўрмоқчиман — рефлексни кузатаман, 3-4 раундга туриб бера оладими ёки йўқ, шуни ҳам билмоқчиман. Унинг ҳаракатларига баҳо берган ҳолда ўз қароримни чиқараман.
Мен ҳақиқатда бу ҳақида ўйлаяпман. Ким билан жанг қилишим аҳамиятсиз. Бирорта ўз вазн тоифасининг энг яхшиси билан рингга кўтариламан. Бу ўрта вазн, биринчи ўрта вазн, ярим ўрта вазн бўлиши мумкин. Мана шу дивизионлардаги исталган топ-боксчи билан жанг қилишга тайёрман, бу катта аҳамият касб этмайди», — дейди де ла Ҳоя.
47 ёшли америкалик профессионал боксда 45 та жанг ўтказиб, уларнинг 39 тасида ғалаба қозонган (30 нокаут) ва олти марта мағлуб бўлган.
Аввалроқ 53 ёшли Майк Тайсон кўргазмали жангларда иштирок этиш учун рингга қайтишини эълон қилганди. Унинг кетидан 57 ёшли Эвандер Ҳолифилд ҳам боксга қайтишини маълум қилган.
Изоҳ (0)