Футбол бўйича Италия чемпионатининг 27-турида «Интер» 24 июнь, чоршанба куни «Сассуоло»ни қабул қилди.
Учрашув дебютида меҳмонлар кутилмаганда Франческо Капутонинг голидан кейин олдинга ўтиб олди. Бунга миланликлар биринчи бўлимда Ромелу Лукаку ва Кристиано Бирагининг голлари билан жавоб қайтарди.
Иккинчи бўлимнинг сўнгги ўн дақиқалиги қизиқарли кечди. Аввалига «Сассуоло» 81-дақиқада Домeнико Берардининг пенальтидан киритган тўпидан кейин мувозанатни тиклаган бўлса, 86-дақиқада Борха Валеро «Интер»нинг учинчи голини урди. Орадан уч дақиқа ўтиб, Жанжакомо Маньяни яна ҳисобни тенглаштирди.
Шу тариқа «Интер» 58 очко билан 3-ўринда қолди ва ушбу турда ҳали ўз ўйинини ўтказмаган «Лацио»дан тўрт очко ортда қолмоқда. «Сассуоло» (33) эса ушбу ғалабадан кейин 12-ўринга кўтарилди.
А Серия
27-тур баҳси
24 июнь, чоршанба
«Интер» — «Сассуоло» 3:3
Голлар: 0:1 – 4 Капуто, 1:1 – 41, пенальти Лукаку, 2:1 – 45 Бираги, 2:2 – 81, пенальти Берарди, 3:2 – 86 Валеро, 3:3 – 89 Маньяни.«Интер»: Ҳанданович, Бастони, Раноккия (де Врей, 54), Шкриньяр, Бираги (Янг, 75), Валеро, Мозес (Кандрева, 75), Эриксен (Агум, 62), Гальярдини, Санчес (Мартинес, 62), Лукаку.
«Сассуоло»: Консили, Феррари, Рожерио (Кирьякопулос, 46), Мюльдюр, Кирикеш (Маняни, 79), Журичич, Маньянелли (Локателли, 58), Обианг, Бога (Гараслин, 67), Берарди, Капуто (Дефрел, 58).
Огоҳлантиришлар: Рожерио (23), Шкриньяр (25), Бастони (44).
Четлатиш: Шкриньяр (90+3).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)