Тошкент тиббиёт академиясининг кўп тармоқли клиникасида 72 нафар, шаҳар 1-сон клиник шифохонасида 15 нафар, жами 87 нафар коронавирус инфекциясига чалинган бемор 24 июнь, чоршанба куни соғайиб, ўз уйига кузатилди. Бу ҳақда Соғлиқни сақлаш вазирлиги матбуот хизмати хабар берди.
Пойтахтда тузалганларнинг 63 нафари эркаклар, 24 нафари аёллар бўлиб, уларнинг энг ёши улуғи 79 ёшда, энг кичиги эса 2019 йилда туғилган.
Эндиликда Тошкент шаҳри ва вилоятида коронавирус инфекциясидан соғайганлар сони 2557 нафарга етди.
Шунингдек, 24 июнь кун давомида Ўзбекистонда 115 нафар коронавирус инфекциясига чалинган бемор тузалиб, ҳозирда мамлакат бўйлаб соғайганлар сони 4675 нафарни ташкил этмоқда.
Аввалроқ Ўзбекистонда 24 июнь соат 17:00 ҳолатига кўра, коронавирусга чалинганлар сони 92 кишига кўпайиб, 6847 нафарга етгани хабар берилганди. Ҳозиргача коронавирусга чалинганларнинг 19 нафари касаллик асоратлари оқибатида вафот этган.
Изоҳ (0)