Ўзбекистон Президенти Шавкат Мирзиёев Россия пойтахти Москва шаҳридаги Ислом Каримов хиёбонига ташрифидан сўнг шу ерга йиғилган ўзбекистонликлар билан саломлашди. Бу ҳақда Президент матбуот хизмати хабар берди.
«Ўзбекистон Республикаси Президенти Шавкат Мирзиёев Ислом Каримов хиёбонига ташрифи чоғида бу ерга йиғилган ватандошларимизни қутлади», — дейилади Президент матбуот хизмати хабарида.
Эслатиб ўтамиз, Ўзбекистон Президенти Шавкат Мирзиёев Иккинчи жаҳон урушида қозонилган ғалабанинг 75 йиллиги муносабати билан Москвада ўтказилган Ғалаба парадида қатнашиш учун 23 июнь куни Москвага етиб борди. Шу куни Шавкат Мирзиёев Россия президенти Владимир Путин билан учрашди. Россия президенти Ғалаба парадига келгани учун Шавкат Мирзиёевга миннатдорлик билдирди. Ўзбекистон Президент ва ҳарбийлари 24 июнь куни парадда иштирок этди.
Шунингдек, Шавкат Мирзиёев 24 июнь куни бошқа давлат раҳбарлари билан бирга Москвадаги «Номаълум аскар» ёдгорлигига гул қўйди.
Изоҳ (0)