Соғлиқни сақлаш вазирлиги 23 июнь куни коронавирус қайд этилган 201 нафар бемордан 30 нафари аҳоли орасида тасдиқлангани, жумладан, Тошкент шаҳрининг ўзида 9 та ҳолатда аҳоли орасида коронавирус аниқланиш ҳолатлари қайд этилганини маълум қилди.
Вазирлик ахборотига кўра «Асака банк» тумани филиали ходими А.Ғ. тана ҳарорати кўтарилгани учун поликлиникага мурожаат қилган. «Ипак йўли банк» филиали ходими М.Э. эса шифохонада даволаниш мақсадида намуна топширган ва иккала фуқарода ҳам касаллик борлиги аниқланган.
Учтепа туманидаги автопарк ҳайдовчиси Б.А. тана ҳарорати кўтарилгани, томоқда оғриқ бўлганини айтиб намуна топширган ва унда ҳам COVID-19 борлиги маълум бўлган.
Олмазор туманида яшовчи нафақахўр Г.Н.да, Юнусобод туманида яшовчи Д.Х.да ҳам коронавирус аниқланган. Д.Х. республика шошилинч тез ёрдам илмий марказига бош мия қон айланишининг ўткир бузилиши ташхиси билан ётқизилган.
Вазирликнинг қайд этишича мазкур ҳолатдан келиб чиққан ҳолда Тошкент шаҳрида карантин қоидалари бирмунча кучайтирилган.
Мавзуга доир:Ўзбекистонда 23 июнь куни 201 кишида коронавирус аниқланди. Саккизта ҳудудда аҳоли орасида касалланиш қайд этилди
22 июнда Тошкент шаҳрида коронавирус аниқланган «қизил» ҳудудларга блокпостлар қайта ўрнатилиши хабар қилинганди.
Мавзуга доир: Тошкентда коронавирусга қарши курашга жалб этилган тиббиёт ходимлари уларга қўшимча тўловлар тўланмаётганини маълум қилди
Изоҳ (0)