Янги Зеландиядаги PRAAS стартапи раҳбарларга масофадан туриб ишлаётган ходимлар уйидаги принтерда нимани чоп этаётганини кузатиш имконини берадиган сервисни ишга туширди. Дастур бирор-бир компанияга тегишли махфий маълумотлар тарқалиб кетишининг олдини олишга қаратилган, деб хабар беради Business Insider.
Маълум қилинишича, мазкур дастур ҳар қандай модель ва маркадаги принтерларда ишлайверади.
«Ходим офис ёки уйидаги ишчи компьютери орқали бирор нимани чоп этса, тизим автоматик равишда файлнинг нусхасини IT бўлимга юборади. Бу эса махфий маълумотларни кузатиш имконини беради», — дейди PRAAS бош директори Брендон Френсис.
Лойиҳа муаллифларининг ҳисоблашича, уларнинг стартапи кўплаб иш берувчиларда қизиқиш уйғотади, чунки аксарият компаниялар ўз ходимларини масофадан туриб ишлатмоқда. PRAAS мутахассисларининг ҳисоб-китобига кўра бу — 20 миллионга яқин кузатилмайдиган принтерлар демак.
Компания ўз сервисини жорий ҳафтада Microsoft Azure булутли платформасида ишга туширади.
Изоҳ (0)