Hey сервиси иккита белгидан иборат электрон почта манзилини йилига 999 доллар эвазига харид қилишни таклиф этмоқда, деб хабар беради Hi-Tech.Mail.ru.
Hey почта сервиси яратувчиларининг сўзларига кўра, қисқа манзил — бу премиум хизмат ҳисобланади. Шу сабабли икки ёки уч белгили электрон почта фақатгина обуна орқали сотилади. Масалан, hi@hey.com манзили минг доллар туради, sun@hey.com эса 375 долларга сотилмоқда.
Қисқа почта манзили иш фаолияти давомида электрон мактублардан мунтазам фойдаланадиганлар учун фойда беради — бу каби манзилни визиткадан ёзиб бериш ёки айтиб юбориш осон. Қолган жиҳатлари билан бу оддий электрон почтадан фарқ қилмайди.
Hey сервиси қисқа почта манзилидан ташқари, қўшимча функцияни тақдим этади — 100 гигабайт булутли хотира ва фойдаланувчиларнинг қўшимча ҳимояси. Ушбу хизматларга премиум почтага обуна бўлиш орқали эга бўлиш мумкин.
Қисқа почта манзили учун пул тўланмай қўйса нима бўлиши — номаълум. Hey сервиси эндигина ишга тушган ва ҳозирча таклифномалар билан ишламоқда. Тахминларга кўра, электрон почтани шунчаки музлатиб қўйиб, худди мобил операторлар каби кейин бошқага сотиб юборишлари мумкин.
Изоҳ (0)