Дортмунднинг «Боруссия» клуби Бундеслига 33-турида сафарда «Лейпциг»ни 2:0 ҳисобида таслим этди. «Арилар»нинг иккала голига Эрлинг Ҳоланд муаллиф бўлди.
Дортмундликлар Германия чемпионати жорий мавсумида 84 та гол уришга муваффақ бўлди. Шу тариқа Люсьен Фавр қўл остидаги жамоа бу борада клуб рекдордини янгилади. Аввалги энг яхши натижа 82 та голга тенг эди.
«Боруссия Д» очколарини 69 тага етказиб қўйган ҳолда, иккинчи ўринни нақд қилди. Аввалги турда «Бавария» чемпионлик масаласини ҳал қилиб қўйганди.
Сўнгги турда Дортмунд шаҳри клуби ўз уйида «Ҳоффенҳайм»ни қабул қилади. Мазкур ўйин 27 июнь, шанба куни бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)