Франция ҳукумати 11 июлдан коронавирус туфайли жорий қилинган карантин қоидаларини юмшатишнинг навбатдаги босқичига рухсат беради. Унга кўра, Франциядаги футбол стадионлари мухлислар учун очилади, дея хабар қилмоқда Reuters.
Қарор кучга кирганидан кейинги бир ҳафта мобайнида стадионларда 5 мингдан ортиқ томошабиннинг бўлишига рухсат этилмайди. Вақт ўтиши билан мухлисларнинг максимал сони ошиб боради.
Эслатиб ўтамиз, футбол бўйича Франция чемпионати коронавирус сабаб муддатидан аввал якунланди ва ПСЖ жамоаси чемпион деб эълон қилинди. Францияда янги мавсум 22 августдан бошланиши режалаштирилган. Ундан бир ҳафта аввал Франция Кубоги ва Лига Кубоги финаллари бўлиб ўтади.
Сўнгги маълумотларга кўра, Францияда коронавирус билан касалланганлар 160 мингдан ошиб кетган. Соғайганлар сони 74 312 нафарни, вафот этганлар сони эса 29 633 кишини ташкил этмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)