АҚШнинг Портленд шаҳрида ирқчиликка қарши норозилик намойишлари ўтказаётган оломон биринчи президент Жорж Вашингтоннинг ҳайкалини ўрнатилган жойидан қулатган. Вандаллар ҳужуми видеоси YouTube’да эълон қилинган.
Қайд этилишича дастлаб намойиш ўтказаётганларнинг бир гуруҳи АҚШ байроғини ҳайкал устига отиб, уни ёқиб юборган.
Кейинчалик намойишчилар сони яна ошган ва улар Вашингтон ҳайкалини қулатган. Ҳайкал устига турли ёзувлар ёзиб ташланган, шунингдек «1619» ёзуви, яъни Америкага илк бор қуллар олиб келинган йилни ифодаловчи вақт ёзиб қўйишди.
Аввал АҚШдаги норозилик намойишида вандалларнинг Асосчи-ота шарафига қўйилган ҳайкални вайрон қилгани, Францияда эса де Голль бюстини қизил бўёқ билан бежаб ташлашгани хабар қилинган. АҚШда Христофор Колумб ҳайкалларига ҳам кўплаб ҳужумлар уюштирилган, Бельгияда, Буюк Британияда ҳам қулдорлик рамзи ҳисобланган тарихий шахсларнинг ҳайкаллари вандализм қурбони бўлмоқда.
Изоҳ (0)