Ўзбекистон Сенати раиси Танзила Норбоева 19 май, жума куни бўлиб ўтган Сенатнинг бешинчи ялпи мажлисида болаларнинг таълим-тарбияси масаласида ота-оналарга мурожаат қилди. Бу ҳақда Сенат ахборот хизмати хабар берди.
«Авлонийнинг ‘Тарбия биз учун ё ҳаёт — ё мамот, ё нажот — ё ҳалокат, ё саодат — ё фалокат масаласидир’, деган сўзлари аҳамияти бугун ошган бўлса ошганки, асло пасайган эмас», — деди Танзила Норбоева.
Сенат раиси ўз мурожаатида барча ўз фарзандининг таълим-тарбияси учун масъуллигини таъкидлади ҳамда бугунги ўқувчи ҳам, ота-оналар ҳам аввалгидек эмаслигини айтди.
«Қўпол эшитилгани билан аслида теран ахлоқий маънога эга бўлган ‘Эти сизники, суяги бизники’, деган гапларга, афсуски, эскилик сарқити сифатида қаралмоқда. Мактабларда эркак ўқитувчиларнинг камайиб кетгани ҳам катта муаммо, аслида», — деди Сенат раиси.Унинг сўзларига кўра, фарзандининг арзимаган шикояти учун мактабга югуриб келиб ўқитувчига «ташланиш»дан кўпчилик ота-оналар уялмай қўйди. Бу эса жамиятда ўқитувчи мақомининг обрўсизланишига олиб келмоқда.
Мавзуга доир: Шерзод Шерматов: мактабларда эркак ўқитувчилар кўп бўлса, тартиб-интизом ҳам жойида бўлади Ўзбекистонда 2018 йилда 13 минг нафар эркак ўқитувчи мактабларга қайтди
Ўқитувчи ўқувчи ёки унинг ота-онаси томонидан оёқости қилинадиган одам эмас, балки зиё тарқатувчи инсон, керак бўлса, ҳаммадан бир поғона юқори турувчи шахсдир», — дея таъкидлади Танзила Норбоева.
Унинг қайд этишича, қонунда жавобгарлик белгилаб қўйиш билан бу каби муаммолар ўз-ўзидан ҳал бўлиб қолмайди. Бу ижтимоий онг даражасига етиши, умуммиллий ҳаракатга айланиши керак.
Мавзуга доир:
Изоҳ (0)