Тошкент шаҳри Яшнобод туманида жойлашган масжиднинг кириш жойида қолдирилган сумкани ўғирлаганликда гумон қилинаётган шахс қўлга олинди. Бу ҳақда Ички ишлар вазирлиги матбуот хизмати хабар берди.
Маълум қилинишича, 20 март куни соат 19:30 да Яшнобод тумани ИИО ФМБ навбатчилик қисмига 29 ёшли Жасур Ж. мурожаат қилиб, шахсий ҳужжатлари, 100 минг сўм, 110 доллар ва мобил телефони бўлган сумкаси ўғирланганини маълум қилган. Жасурнинг айтишича, у сумкасини масжидга кириш жойида қаровсиз қолдирган.
Мазкур ҳолат бўйича Жиноят кодексининг 169-моддаси (Ўғрилик) бўйича жиноий иш қўзғатилди. Кўрилган тезкор-қидирув чоралари давомида ИИББ ходимлари томонидан гумонланувчининг шахси аниқланиб, муқаддам судланган 22 ёшли Ҳусниддин К. қўлга олинди.
Изоҳ (0)