Toshkent shahri Yashnobod tumanida joylashgan masjidning kirish joyida qoldirilgan sumkani o‘g‘irlaganlikda gumon qilinayotgan shaxs qo‘lga olindi. Bu haqda Ichki ishlar vazirligi matbuot xizmati xabar berdi.
Ma’lum qilinishicha, 20-mart kuni soat 19:30 da Yashnobod tumani IIO FMB navbatchilik qismiga 29 yoshli Jasur J. murojaat qilib, shaxsiy hujjatlari, 100 ming so‘m, 110 dollar va mobil telefoni bo‘lgan sumkasi o‘g‘irlanganini ma’lum qilgan. Jasurning aytishicha, u sumkasini masjidga kirish joyida qarovsiz qoldirgan.
Mazkur holat bo‘yicha Jinoyat kodeksining 169-moddasi (O‘g‘rilik) bo‘yicha jinoiy ish qo‘zg‘atildi. Ko‘rilgan tezkor-qidiruv choralari davomida IIBB xodimlari tomonidan gumonlanuvchining shaxsi aniqlanib, muqaddam sudlangan 22 yoshli Husniddin K. qo‘lga olindi.
Izoh (0)