Хитойда сўнгги суткада коронавирус билан касалланиш бўйича 49 та ва касаллик белгисиз ўтаётган 18 та ҳолат аниқланди. Беморларнинг 1 нафари соғайди, вафот этиш ҳолатлари қайд этилмади, деб хабар бермоқда «РИА Новости» Хитой Соғлиқни сақлаш миллий комиссиясига таяниб.
Бир кун аввал коронавирус билан касалланиш бўйича 57 та ҳолат, касаллик белгисиз ўтаётган 9 та ҳолат аниқланганди. Касалланиш ҳолатларининг аксарияти Пекинда аниқланган бўлиб, улгуржи бозор билан боғлиқ эди.
Мамлакатда умумий ҳисобда 83 181 киши коронавирусга чалинган. Беморларнинг 78 370 нафари соғайган, 4 634 нафари вафот этган. Касалхоналарда 177 нафар бемор қолмоқда.Шунингдек, сутка давомида 18 киши инфекцияни белгисиз ташувчи сифатида қайд этилган. Шундай кишиларнинг яна 112 нафари шифокорлар назоратида бўлиб турибди.
Жанубий Кореяда эса сутка давомида 37 киши коронавирусга чалингани қайд этилиб, касалланганларнинг умумий сони 12 121 нафарга етди, деб хабар бермоқда «РИА Новости» .Соғлиқни сақлаш вазирлиги ҳузуридаги Касалликлар назорати ва профилактикаси маркази (KCDC) маълумотларига кўра, касалланганларнинг 24 нафари вирусни мамлакатнинг ўзида, 13 нафари четдан юқтирган.
Сўнгги суткада 27 киши коронавирусдан соғайиб, тузалганларнинг умумий сони 10 730 нафарга етди. Касаллик қурбонлар сони 277 кишини ташкил қилмоқда..
Изоҳ (0)