SpaceX компанияси Falcon 9 ракета ташувчисини яна бир бор муваффақиятли учирди. Ракета Starlink лойиҳаси доирасида 58 та сунъий йўлдошни орбитага олиб чиқди.
Ракета ташувчи учирилганидан, тахминан, 9 дақиқа ўтиб ракетанинг учинчи маротаба фойдаланилган кўп марталик таянчи Атлантика океанидаги Of Course I Still Love You платформасига қўндирилган.
Таъкидлаш керакки, 3 июнь куни ҳам Falcon 9 ракета ташувчиси Флорида штатидаги Канаверал саҳросидаги космодромдан учирилган эди.
Эслатиб ўтамиз, апрель ойининг охирларида Starlink глобал интернет лойиҳаси доирасида фазога учирилган сунъий йўлдошлар парвозини ўзбекистонликлар ҳам томоша қилишга муваффақ бўлганди.
Маълумот учун, SpaceX қурилмаларининг биринчи гуруҳи 2019 йил май ойида учирилган. Компания режаларига кўра, 2020 йилда Starlink’нинг коинотдаги интернет тизими АҚШ ва Канадада ишлашни бошлайди, 2021 йилга бориб бутун дунёни қамраб олади.
Изоҳ (0)