Пекиндаги йирик бозорларнинг бирида коронавирус билан касалланиш бўйича тўртта ва касалликни белгисиз ташиш бўйича 45 та ҳолат қайд этилди. Бу ҳақда Пекин Касалликлар профилактикаси ва уларни назорат қилиш маркази раҳбари Пан Синхога таяниб, Reuters хабар берди.
Пекиннинг Фентай туманида COVID-19 билан касалланиш бўйича янги ҳолатлар қайд этилгач, «ҳарбий ҳолат режими» эълон қилинди.
Коронавирус сўнгги бир неча кун ичида туманнинг 45 фуқаросида аниқланган бўлиб, уларда касаллик белгилари кузатилмаган.
Касалланиш ҳолатларининг барчаси Синдафиги озиқ-овқат бозори билан боғлиқ. Таъкидланишича, коронавирус импорт қилинган лососларни кесишга мўлжалланган тахтадан топилган.
Шу сабабли шаҳардаги барча бозорлар вақтинча ёпилган. Шунингдек, ҳукумат мактабларни очиш тўғрисидаги режани кейинроққа қолдиришга қарор қилган.
Аввалроқ бутун Хитой бўйлаб сўнгги суткада коронавирус билан касалланиш бўйича 11 та ва касаллик белгисиз ўтаётган 7 та ҳолат аниқлангани тўғрисида хабар берилганди.
Мавзуга доир: Хитойда коронавирусни зарарсизлантирувчи антитаналарга эга дори воситасини синовдан ўтказиш бошланди
Изоҳ (0)