Навоийда Самарқанд вилояти Пахтачи туманида яшовчи аёл туғилганига ҳали бир ой ҳам бўлмаган чақалоғини сотишга уринган вақтида қўлга олинган. Бу ҳақда ИИВ ҳузуридаги Тергов департаменти хабар қилди.
22 ёшли Н.Е. 2020 йил 3 июнь куни тахминан соат 15:30 ларда фарзандини Навоий шаҳрида яшовчи Н.И.га 3 миллион сўмга сотишга келишган. У чақалоғини сотиб, келишилган пулларни Навоий шаҳридаги «Навоий» жоме масжиди ёнида олган вақтида тезкор тадбир давомида ашёвий далиллар билан ушланган.
Н.Е.га нисбатан Навоий шаҳри бўйича ИИО ФМБ 3-сонли ИИБ ҳузуридаги тергов гуруҳи томонидан Ўзбекистон Республикаси Жиноят кодексининг 135-моддаси 3-қисми «а» банди (Одам савдоси) билан жиноят иши қўзғатилган.
Аввал Қорақалпоғистонда 13 ёшли фарзандини 15 минг долларга пуллаётган аёл қўлга олингани, Хоразмда 2 ёшли фарзандини 7 700 долларга сотмоқчи бўлган аёл қўлга тушгани ҳамда Навоийда 3 ойлик боласини 3 хонали уйга алмаштираётган аёл ва унинг отаси жиноят устида ушлангани ҳақида хабарлар берилган эди.
Изоҳ (0)