Qoraqalpog‘istonda 13 yoshli farzandini aldab, uning o‘ziga aytmasdan boshqaga sotayotgan ayol ushlandi. Bu haqda IIV huzuridagi Tergov departamenti xabar qilgan.

Foto: IIV huzuridagi Tergov departamenti

Xabarga ko‘ra, 2020-yilning 19-may kuni 43 yoshli M.P. Beruniy tumani IIBga ariza bilan murojaat qilib, To‘rtko‘l tumanida yashovchi Q. ismli ayol o‘z farzandini sotmoqchi bo‘lib yurganligini bayon qilgan. Arizaga asosan shu kuni soat 21:00 da Beruniy tumani IIB xodimlari tomonidan o‘tkazilgan tezkor tadbirda To‘rtko‘l tumanida joylashgan uyda ijarada yashab kelayotgan 38 yoshli Q.K. o‘zining ikkinchi farzandi — voyaga yetmagan 13 yoshli D.O.ni fuqaro S.E.ga 15 ming AQSh dollari evaziga sotayotgan vaqtida ushlangan.

Foto: IIV huzuridagi Tergov departamenti

Hodisa sodir bo‘lgan joydan kimyoviy ishlov berilgan 400 AQSh dollari hamda qolgan 14 600 AQSh dollari miqdoridagi pullar aniqlanib, ashyoviy dalil tariqasida o‘rnatilgan tartibda rasmiylashtirib olingan.

Holat yuzasidan To‘rtko‘l tumani IIB huzuridagi Tergov bo‘limi tomonidan Q. K.ga nisbatan O‘zbekiston Respublikasi Jinoyat kodeksining 135-moddasi 3-qismi “a” (Odam savdosi) bandi bilan jinoyat ishi qo‘zg‘atilgan. Hozirda dastlabki tergov harakatlari olib borilmoqda.

Foto: IIV huzuridagi Tergov departamenti

Foto: IIV huzuridagi Tergov departamenti