Қашқадарё вилояти ҳокими Зоир Мирзаев вилоятдаги пахтачиликка ихтисослашган Indorama Agro хорижий корхона раҳбарлари билан суҳбатлашди. Бу ҳақда вилоят ҳокимлиги хабар берди.
Маълум қилинишича, Indorama Agro хорижий корхонаси томонидан Касби ва Нишон туманларида пахтани қайта ишлаб, ип калава ишлаб чиқариш йўлга қўйилган.
Суҳбат давомида вилоят раҳбари ҳозирги ғалла ўрими мавсумининг масъулияти юзасидан ўз фикрларини айтиб ўтди.
«Тунлари шамол бўлса, уйқум қочади. Ҳозир ўримнинг айни палласи. Ҳосилни нест-нобуд қилмасдан йиғиб олиш учун катта куч сафарбар этганмиз», — деди вилоят ҳокими.
Вилоят ҳокимлигининг қайд этишича, республикада ғалла ўримининг бориши бўйича Сурхондарё, Сирдарё, Бухоро ва Қашқадарё вилоятлари илғорлар сафида турибди.
Эслатиб ўтамиз, Қашқадарё вилояти Қарши туманида маҳаллий ҳокимлик ва пахта кластери ўртасида юзага келган келишмовчилик юзасидан бўлиб ўтган суд жараёнида туман ҳокимлиги кластерга ютқазди. Суд туман ҳокимига кластер ишига аралашишни тақиқлади.
Изоҳ (0)