12 июнь куни Тошкент шаҳри Олмазор туманидаги корхоналар фаолияти, янги бинолар ва лойиҳалар билан танишган Шавкат Мирзиёев мутасадди раҳбарлар иштирокида туман фаоллари, нуронийлар билан учрашув ўтказди, дея хабар бермоқда Президент матбуот хизмати.
Учрашувда туманда камбағалликни қисқартириш, инвестиция лойиҳаларини амалга ошириб, янги иш ўринлари ташкил этиш, аҳолининг турмуш шароитларини яхшилаш масалалари муҳокама қилинди.
Президент матбуот хизмати берган маълумотларга асосан, уйма-уй юриш орқали Олмазорда 3 минг 23 та ёрдамга муҳтож оила борлиги аниқланган. Шундан 568 оила аъзоси ишга жойлаштирилиб, ёрдамга муҳтожлар тоифасидан чиқарилган. Йиғилишда бош вазир ўринбосари қолган 2 минг 455 оилани йил охиригача камбағалликдан олиб чиқиш бўйича кўриладиган чоралар ҳақида ҳисобот берди.
Изоҳ (0)