«Навбаҳор» клубининг россиялик легионери Игорь Голбан Ўзбекистон фуқаролигини олди.
11 июнь куни «Навбаҳар» қароргоҳида Наманган вилояти ҳокими Хайрулло Бозоров иштирокида йиғилиш ўтказилган. Унда вилоят раҳбари футболчини фуқаролик олгани билан табриклаган.
Футболдаги дастлабки қадамларини «Сочи-04» клубида ташлаган футболчи кейинчалик Москванинг «Локомотив» ёшлар жамоасида ҳаракат қилди. Ўзбекистондаги дастлабки мавсумини 2015 йили «Қўқон-1912»да бошлаган ҳимоячи 2016 йилда «Навбаҳор»га ўтди. Игорь 2016 йил июль ойида Қаршининг «Насаф»ига ўтади ва 2018 йилга қадар у ерда ҳаракат қилиб, шундан сўнг яна наманганликлар сафига қайтиб келади.
Голбан Россия U-19 ва U-21 терма жамоаларида ўйин ўтказган. Бироқ футболчи асосий терма жамоада тўп сурмаган ва бу унга Ўзбекистон терма жамоаси либосида майдонга тушиш имкониятини яратади.
Аввалроқ Вадим Абрамов футболчининг Ўзбекистон фуқаролигини олишини хоҳлаётгани ва у терма жамоага ёрдам бериши мумкинлиги ҳақида гапирганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)