ФИФА регламентга вақтинчалик ўзгартиришлар киритилишини эълон қилди.
Унга кўра, ташкилот футболчиларга бир мавсум давомида учта клубда ўйнашга рухсат беради. Ушбу қарор коронавирус инфекциясини ҳисобга олиб, футболчилар орасида ишсизлик даражаси ошиб кетмаслиги учун қабул қилинди.
Таъкидлаш жоизки, бунгача ФИФА қоидаларига кўра, футболчи бир мавсум давомида расмий ўйинларда фақат икки клуб номидан чиқиши мумкин эди.
Бундан ташқари, футбол ассоциацияларига маълум шартлар асосида 2019/20 йилги мавсум охирига қадар 2020/21 йилги мавсум учун биринчи трансфер ойнасини очишга ҳам рухсат берилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)