Англия футбол ассоциацияси (FA) 2020 йилнинг февраль ойида коронавирус борасида ҳазил қилган «Тоттенҳэм» ярим ҳимоячиси Деле Аллини битта ўйинга дисквалификация қилди.
24-ёшли футболчининг Snapchat’га жойлаштирган видеоси бунга сабаб бўлган. Хитроу аэропортида ўтирган Алли коронавирус ҳақида ҳазиллар қилган ва бу вақтда хитойликларга ўхшаш шахсни видеога олган. Ундан кейин Деле камерани антисептик воситага қаратган ҳолда шундай деган: «Бу вирус менга етиб олиши учун тезкорроқ бўлиши керак».
FA дисквалификациядан ташқари Аллини 50 минг фунт миқдорида жаримага ҳам тортган ва унга тарбиявий курсларга бориш мажбуриятини юклаган.
«FA’нинг қарорига жавоб сифатида шу айтмоқчиман, мен бу билан кимнидир ҳақорат қилган бўлсам яна бир бор узр сўраган бўлардим. Бу вирус ҳақидаги жуда ёмон ҳазил эди, вирус барчага биз тасаввур қилганимизданда кўпроқ таъсир ўтказди. FA менинг ҳазилимни ирқчиликка йўймаганидан хурсандман, чунки мен ирқчиликнинг ҳар қандай кўринишига қаршиман», — дейди Алли.
Шу тариқа ярим ҳимоячи Премьер Лига 30-туридан ўрин олган «Манчестер Юнайтед»га қарши кечадиган 19 июнь кунги учрашувни ўтказиб юборади. Жорий мавсум Алли 35 ўйинда майдонга тушиб, 9 гол урди ва 6 та голли пас амалга оширди.
Мавзуга доир: «Тоттенҳэм» футболчиси Деле Алли ўз уйида босқинчи ўғрилар томонидан калтакланди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)