Англия Премьер Лигаси клубларининг 2019/20 йилги мавсум якунлари бўйича даромадлари коронавирус сабаб 1 миллиард фунтга қисқарди. Бу ҳақда BBC нашрига асосланиб Sport24 хабар қилмоқда.
Таъкидланишича, 2018/19 йилги мавсумда АПЛ клубларининг умумий даромади биринчи бор 5 миллиард фунтдан ошганди.
Бироқ жорий мавсум март ойида тўхтаб қолди ва у 17 июндан рестарт олса-да, клублар даромади барибир паст бўлади.
Жамоалар телеҳуқуқ эгаларига тўланадиган компенсация ва ўйин кунларида тушадиган даромаднинг йўқлиги сабаб 500 миллион йўқотиши аниқ бўлиб турибди.
Қолган ярим миллиард эса келаси мавсумга қолдирилган. Бироқ бунинг учун жорий ва 2020/21 йилги мавсум тўлиқ ўйналиши керак бўлади.
Эслатиб ўтамиз, коронавирус сабаб тўхтаб қолган Англия чемпионатининг 2019/20 йилги мавсуми 17 июндан давом эттирилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)