Енгил вазн тоифасида UFC чемпиони Ҳабиб Нурмагомедовнинг амакиваччаси ярим енгил вазнли Умар Нурмагомедов ўзининг UFC’даги дебют жангини июль ойида Абу-Дабидаги «Жангчилар ороли»да ўтказади. Бу ҳақда унинг менежери Ризван Магомедов маълум қилди.
«Июль, «Жангчилар ороли», — дейди Магомедов.
Бироқ ҳозирча Умарнинг рақиби ким бўлиши номаълум.
Маълумот ўрнида, Умар Нурмагомедов аралаш жанг санъатларида (MMA) умумий ҳисобда 12 та жанг ўтказиб, уларнинг барчасида ғалаба қозонган.
У сўнгги бор Тошкентда ўтган GFC 20 кечасида Брайан Гонсалесни мағлуб этиб, чемпионлик камарини ҳимоя қилганди. Жангдан сўнг Умар UFC’да дебют қилмоқчи эканини маълум қилганди.
Изоҳ (0)