Самарқанддаги бир нечта зиёратгоҳ фаолиятини қайтадан бошлади. Бу ҳақда «Халқ сўзи online» хабар тарқатган.
Қадимий қадамжолар фаолиятини карантин қоидаларига қатъий амал қилган ҳолда йўлга қўйиши учун кириш-чиқиш жойларига пирометрлар, антисептик воситалар ва дезинфексион «тўшак»лар ўрнатилган.
Мазкур ишлар тўлиқ амалга оширилиб Самарқанд шаҳрида жойлашган Хўжа Дониёр, Имом Мотуридий, Хўжа Абду Дарун, Ҳазрати Хизр, Мурод Авлиё зиёратгоҳи, Шоҳи Зинда ёдгорлик мажмуаси, Руҳобод мақбараси, Хўжа Исхоқи Валий масжид-зиёратгоҳи, шунингдек, Самарқанд туманидаги Хўжа Аҳрор Валий, Хўжа Абду Берун, Оқдарё туманидаги Маҳдуми Аъзам, Жомбой туманидаги Шайх Худойдод Вали ва Булунғур туманидаги Хўжа Ҳофиз Меросий зиёратгоҳлари қайта очилган.
Нуробод туманидаги Ҳазрати Довуд зиёратгоҳи Самарқанд вилояти Туризмни ривожлантириш департаменти билан келишилган ҳолда очилган.
Пайариқ туманидаги Имом Бухорий мажмуаси ҳамда Ургут туманидаги Чор Чинор зиёратгоҳи «қизил» ҳудудда жойлашгани боис уларнинг фаолият олиб боришига рухсат берилмаган.
Эслатиб ўтамиз, Ўзбекистонда 1 июндан ички туризм ўз фаолиятини қайта бошлаган.
Мавзуга доир:
- «Битта ҳолат аниқланса, бутун меҳмонхона карантинга олинмайдиган тизим ишлаб чиқиш зарур» — Шавкат Мирзиёев туризм фаолиятини қайта тиклаш ҳақида
- Ўзбекистонда туризмнинг тикланиши уч босқичда амалга оширилади
- Ўзбекистонда ногиронлиги бўлган кексалар учун туристик йўлланма қиймати тўлаб берилади ва улар учун чегирмалар эълон қилинади
- Тошкентда 2020 йил охиригача туристлар учун 90 та йўл кўрсаткичи ўрнатилади
Изоҳ (0)