«Ҳазорасп» эркин иқтисодий зонаси ҳудудида жойлашган «Нур Муҳаммад Ислом Обод» МЧЖ томонидан янги лойиҳа бўйича тиббиёт қўлқоплари ишлаб чиқаришни ташкил этган, дея хабар қилди Хоразм вилояти ҳокимлигининг матбуот хизмати.
«Эркин иқтисодий зона ҳудудида алоҳида божхона режими, солиқ имтиёзларининг амал қилиши ҳудуднинг инвестициявий жозибадорлигини ошириб, тўғридан-тўғри сармояларни жалб қилишда муҳим омил бўлмоқда.
Жумладан, МЧЖ томонидан Хитойда ишлаб чиқарилган технологик ускуналар олиб келиниб ўрнатилган ва 2019 йил ноябрь ойидан фаолияти йўлга қўйилган. 2020 йилнинг I чорагида 650 мингдан ортиқ тиббиёт қўлқоплари ишлаб чиқарилиб, маҳсулотлар харидорларга етказиб берилган.
Лойиҳани ишга туширишга 1,6 миллион АҚШ доллари миқдорида маблағ сарфланган. Шундан 600 минг доллари тижорат банкининг кредит маблағи. 40 нафарга яқин аҳолини иш билан таъминлаган корхона карантин шароитида ҳам тўла қувват билан фаолият кўрсатмоқда.
Мазкур лойиҳа амалга оширилиши натижасида йилига 1 миллион долларлик импорт ўрнини босувчи тиббиёт қўлқоплари ишлаб чиқарилиши йўлга қўйилди. Бундан ташқари, айни кунларда ишлаб чиқарилаётган маҳсулотларни Латвияга экспорт қилиш бўйича корхона томонидан тегишли ишлар олиб борилмоқда», дейилади ҳокимлик ахборотида.
Изоҳ (0)