Туркия, Болгария, Ямайка, Маврикий, Канада, Португалия, Саудия Арабистони ва Мексика 2020 йилда энг хавфсиз сайёҳлик йўналишлари бўлади. «РИА Новости»нинг ёзишича, Бутунжаҳон туризм ва саёҳатлар кенгаши (WTTC) мутахассислари шундай қарорга келган.
WТТC халқаро нодавлат ташкилот бўлиб, унга туризм йўналишида фаолият юритувчи дунёнинг турли мамлакатларидаги компаниялар вакиллари аъзодир.
Ташкилот соғлиқни сақлаш соҳасидаги мутахассислар билан биргаликда «Хавфсиз саёҳатлар» махсус протоколини ишлаб чиққан бўлиб, унга мувофиқ коронавирус пандемиясидан кейин сайёҳлар хавфсизлигини таъминлаш учун янги талабларни жорий этган мамлакатлар ва шаҳарларга тегишли ёрлиқ берилади.
Протоколлар меҳмонхоналар, ресторанлар, авиакомпаниялар, темир йўл станциялари ва аэропортлар ҳамда туризм соҳасидаги бошқа муассаса ва ташкилотлар учун мўлжалланган. Унда биноларни дезинфекциялаш, контактсиз технологияларни жорий этиш ва мижозларнинг ижтимоий масофаси учун янги қоидалар кўзда тутилган.
Саёҳатчилар энг хавфсиз бўлган шаҳарларга, ташкилот Испаниянинг Мадрид, Барселона ва Севилья ва Мексиканинг Канкун шаҳрини киритган. Хавсиз ҳудудлар қаторидан Канаданинг Онтарио провинцияси, шунингдек, Мексикадаги Панта-Сур қўриқхонаси ва Юкатан яримороли ҳам ўрин олган.
WТТC президенти Глория Гевара туризм соҳасини тез тикланишини таъминлаётган давлатларга миннатдорчилик билдирди ва яқин ҳафталарда хавфсиз йўналишлар рўйхатини кенгайтиришга ваъда берди.
Маълумот учун, Ўзбекистонда туризмнинг тикланиши уч босқичда амалга оширилади. Биринчи босқич ички туризм орқали уларнинг фаолиятини қайта тиклашга бағишланади. Шунингдек, халқаро туризмни тиклашга максимал тайёр бўлиш учун ушбу босқичда Uzbekistan. Safe travel Guaranteed хавфсизлик тизими жорий қилинади.
Изоҳ (0)