Америкалик олимлар томонидан ўтказилган тадқиқот натижаларида маълум бўлишича, нейротармоқ ҳам инсон каби ухлаши керак. Бу уларнинг барқарор ишлашига ёрдам беради, деб ёзади Eurek Alert.
Сунъий интеллект узлуксиз юкламалар сабаб ўчиб қолиши мумкин. Бироқ сунъий интеллектга инсонларнинг ухлашига ўхшаш дам олиш тизими жорий этилса, бу каби муаммо юзага келмайди.
Мутахассислар АҚШ Энергетика вазирлигига қарашли Лос-Аламосс миллий лабораториясида тажриба ўтказди.
Сунъий интеллект мунтазам юкламалар сабаб қота бошлаган. Шунда олимлар нейротармоққа инсон мияси ухлаганида сезадиган тўлқинларни юборган. Тадқиқот муаллифларидан бири Йизинг Уоткинснинг сўзларига кўра, бу каби ҳордиқ сунъий интеллектга ижобий таъсир қилган — у барқарорлигини сақлаб қолган.
Изоҳ (0)