Американинг Production Club дизайнерлик студияси пандемия вақтида клуб ва концертларга ташриф буюриш имконини берадиган Micrashell номли ҳимоя костюми концептини тақдим этди. Micrashell’га Twitter ижтимоий тармоғидаги Cyberpunk 2077 аккаунти эътибор қаратган.
Таъкидланишича, Micrashell мустаҳкам ва дезинфекцияларга чидамли енгил плёнка композитидан тайёрланади. Концептга кўра, костюмга сенсор, RGB-ёритиш ҳамда ҳавони вентиляция ва фильтрация қилиш тизимлари ўрнатилади. Костюмнинг барча функцияларини смартфонга ўрнатиладиган махсус мобил илова ёрдамида бошқариш мумкин бўлади.
Шлемнинг остига — кўкрак тарафга смартфон, ичимлик ва электрон сигарет учун идиш жойлаштирилган. Ихтирочиларнинг қайд этишича, шлемга атрофда содир бўлаётган воқеаларни ёзиб олувчи камера ўрнатилади.
Таъкидланишича, костюмнинг модуль тизими бемалол ҳаракатланиш, ҳожатга чиқиш имконини беради.
Мазкур янгилик қачон тақдим этилиши ҳозирча номаълум.
Изоҳ (0)