Xiaomi компанияси «ақлли» уй экотизимига қўшимча равишда ноодатий маҳсулотларни яратишда давом этмоқда. Компания Mi Smart Curtain номли «ақлли» пардани тақдим этди, деб ёзади Gizmochina.
Smart Curtain пардаси масофадан туриб очиб-ёпиш имконини берадиган моторга эга магнит-алюминийли қоришмадан тайёрланган уч метрли рейкадан иборат. Қурилмани бошқариш учун махсус пульт ҳам яратилган. Девайс 1,5 метрли сим ёрдамида розеткадаги электр энергиясидан қувват олади.
Бошқарув пультидан ташқари пардани «ақлли» уйга мўлжалланган Xiaomi Mi Home дастурига ҳам улаб қўйиш мумкин. Шунингдек, у овозли буйруқларни ҳам бажаришга қодир. Бундан ташқари, пардалар ташқаридаги қуёш нурига қараб, ўзи мустақил очилиб-ёпилади.
Қуввати тугаган бўлса ҳам пардаларни қўл ёрдамида очиб-ёпса бўлади.
Хитой компанияси 10 июндан бошлаб мазкур янги қурилма учун маблағларни Youpin крадуфандинг платформаси орқали жалб қилишни режалаштирмоқда. Mi Smart Curtain’нинг бозор нархи 799 юанни (107 доллар) ташкил этади.
Изоҳ (0)