Yanko Design сайтининг дизайнери автоном қурилма сифатида ишлай оладиган ечилувчи камера модулига эга Mosaic смартфони концептини яратди, деб хабар беради Hi-Tech.Mail.ru.
Ғояга кўра, одатдаги режимда катта корпусга жойлаштириладиган смартфоннинг барча «темири» кичкина модулга сиғдирилади — бу қўшимча батарейка ва улкан экран. Бироқ исталган вақтда ушбу модулни ечиб олиб, алоҳида қурилма сифатида ҳам фойдаланса бўлади, масалан, смартфон функцияларига эга «ақлли» соат сифатида.
Дизайнернинг ҳисоблашича, бу каби қурилма учун нафақат катта экранга эга модул, балки қўшимча корпус ва аксессуарлар ишлаб чиқариш мумкин. Масалан, уни қўл соатига ёки бўйинга осиб юрган ҳолда видеоларни суратга оладиган камерага айлантирса бўлади.
Мазкур концепт яқин орада сотувга чиқиши даргумон. Аввалроқ Google Project Аra модул смартфони лойиҳаси устида иш олиб борган, фақат унинг исталган таркибий қисмини алмаштириш мумкин — процессор, хотира, камера ёки батарея. Концептуал Mosaic смартфони эса «тескари томонга» ишлайди — смартфон бошқа аксессуарлар учун модулга айланади.
Изоҳ (0)