Эрон фуқароси Маҳмуд Мусавий-Мажид генерал Қосим Сулаймоний ўлдирилиши иши бўйича ўлим жазосига ҳукм қилинди. Reuters’нинг ёзишича, бу ҳақда Эрон Олий суди вакили Ғулом Ҳусайн Исмоилий маълум қилди.
Унинг билдиришича, маҳкум «Моссад» марказий разведка бошқармаси айғоқчиларидан бири бўлган ва уларга Сулаймонийнинг қаердалиги тўғрисида маълумот бериб турган.
Кейинчалик Эрон ҳукумати Мусавий-Мажид 2018 йилдаёқ ҳибсга олингани ва унинг иши Сулаймонийнинг ўлдирилиши билан боғлиқ эмаслигини маълум қилди.
Эслатиб ўтамиз, Эрон ислом инқилоби муҳофизлари корпуси (ИИМК)нинг «Ал-Қудс» махсус бўлинмаси генерали Қосим Сулаймоний 3 январь куни АҚШ ҳаво кучлари томонидан Бағдод аэропортига берилган авиаҳужум оқибатида ўлдирилганди. Зарба АҚШ президенти Дональд Трамп фармойишига асосан берилган. У ИИМКни террорчилик ташкилоти деб ҳисоблаган ва Қосим Сулаймонийни минтақада, хусусан, Ироқда бўлиб турган америкалик дипломатлар ва ҳарбийларга ҳужум қилишни режалаштирганликда айблаган. Эрон эса унга жавобан Ироқдаги Америка базасига ҳужум қилган. Бунинг оқибатида 100 дан ортиқ америкалик жароҳатланган.
Изоҳ (0)