Австралиялик фотограф Тобиас Баумгартнер Instagram’даги саҳифасига икки пингвин иштирокидаги видеони жойлаштирди. Ушбу видео интернет фойдаланувчиларига манзур бўлди.
Фото ва видео Мельбурн ташқарисида ўтган йили олинган. Бироқ Тобиас инсонлар яхши янгиликларга муҳтож бўлган ҳозирги кунда уларни эълон қилишга қарор қилди. Фотографнинг сўзларига кўра, ушбу тасвирларни олиш учун у уч кун пингвинлар галаси яқинида яшаган.
«Бу икки пингвин бир неча соат мобайнида қояда қучоқлашган ҳолда турди ҳамда ёруғ чироқлари океанга туташиб кетган Мельбурн осмонини томоша қилди. Волонтёр менга оқ пингвин жуфтини йўқотган урғочи, унинг ёнидаги эса урғочисини йўқотган эркак пингвин эканлигини айтди. Улар тез-тез учрашар ва шу тариқа бир-бирига таскин берар экан», — деб ёзади фотограф.
https://www.instagram.com/p/B_YuSL1BWxa/
«Бир-бирига меҳр кўрсатаётган бу икки пингвин жониворлар галасидан ажралиб турарди. Бошқа пингвинлар ухлар, югурар эди, бироқ бу иккаласи учун вақт тўхтаб қолгандек эди, гўё. Улар шунчаки бир-бирига суяниб, узоқларга қарарди», — дея сўзларини давом эттиради Тобиас.
Изоҳ (0)