YouTube’даги MrBeast ники остида фаолият кўрсатувчи блогер Lego конструкторларидан энг баланд бино қуриш бўйича мусобақа уюштирди.
Бир қарашда барчаси оддий: ўйинчоқлардан иборат улкан тоғ, махсус механик кўтаргичлар ва ҳар бири тўрт кишидан иборат иккита жамоа. Иштирокчилар 12 соат ичида Lego-бино қуриши керак — у рақобатчилариникидан баланд бўлиши лозим. Ғолибларга 50 минг доллар мукофот пули берилади.
Мусобақа давомида рақиб тарафнинг «иншооти»ни бузиш тавсия қилинган. Масалан, боулинг шари ёки болға билан уриш. Улкан бинони тиклаш иши кун бўйи давом этган. Натижада иккала жамоа ҳам тўққиз метрли минорани яратишга муваффақ бўлган. Жамоалардан бирининг биноси иккинчисидан 2,5 сантиметрга баландроқ бўлиб чиқди.
Видео охирида 9 метрли бинолар бузиб ташланмаган.
Изоҳ (0)