Англиянинг Вустершир графлиги Малверн шаҳрида тулки ва типратиканнинг бирга овқатланаётгани видеога тушиб қолди.
Одатда типратиканлар тулкини кўрса, юмалоқ бўлиб олади, тулкилар эса типратиканни овлайди ҳамда исталган вақтда ҳужум қилиши мумкин. Бироқ айрим ҳолларда жониворлар ҳам ўзаро душманликни четга суриб туради.
Типратикан ва тулки улар учун маҳаллий аҳоли вакили Стю Маккензи қолдирган озуқа ҳамда қўнғизларни бирга паққос туширган. Маккензи ҳайвонларни кузатишни яхши кўради, шунинг учун у озуқа қолдирилган жойдаги дарахтга кузатув камерасини ўрнатиб қўйган.
Икки жониворнинг кечки тамаддиси Маккензини ҳайратга солди. Унинг сўзларига кўра, жониворлар аввал ўзларини бундай тутмаган ҳамда бир-бирига душманларча муносабатда бўлган.
«Ўйлашимча, тулкилар вазиятга қараб иш тутадиган жониворлар. Агар типратикан яраланган бўлганида тулки ўйлаб ўтирмай уни еб қўйган бўларди. Бироқ у соғлом типратиканни кўриб, унга ҳужум қилиш унча яхши ғоя эмаслигини тушунган»,— дейди Маккензи.
Қуйидаги тасвирлар эса 2013 йилда олинган.
Изоҳ (0)