Philippine Airlines авиакомпанияси стюардессалари парвоз вақтида йўловчи аёлга фарзандини дунёга келтиришга кўмаклашди, деб ёзади «Korrespondent.net».
Дубай—Манила йўналиши бўйлаб учган самолёт бортида бўлган аёлда тўлғоқ бошланган.
Қайд этилишича, ўша пайтда самолёт тўққиз километр баландликда бўлган.
Борт кузатувчилари йўлдош алоқа орқали шифокор билан боғланишга муваффақ бўлган. Мутахассис туғруқ жараёнини масофадан туриб назорат қилган.
Авиакомпания вакили Сиело Вильялуна борткузатувчилар жамоаси аёлга соғлом ўғил фарзандни дунёга келтиришга кўмаклашганини айтган.
Туғруқдан кейинги суратларда борткузатувчилар ҳамда чақалоғини кўтариб турган аёлни кўриш мумкин.
Борткузатувчилар махсус костюм кийган ҳамда ниқоб тақиб олган.
Изоҳ (0)