Дунёда коронавирус инфекциясининг тарқалишига билан боғлиқ вазият ёмонлашмоқда. Бу ҳақда Жаҳон соғлиқни сақлаш ташкилоти раҳбари Тедрос Гебрейесусга таяниб, «ТАСС» хабар берди.
«ЖССТ салкам 7 миллион одам коронавирусга чалингани ва қарийб 400 минг одам вафот этгани тўғрисида маълумот олди», — дейди Гебрейесус. Унинг таъкидлашича, Европада вазият яхшиланмоқда.
ЖССТ раҳбарининг сўзларига кўра, 7 июнь куни бутун дунё бўйлаб коронавирусга чалинган 136 минг одамнинг 75 фоизи Америка ва Жанубий Осиё ҳисобига тўғри келган.
«Биз, шунингдек, COVID-19 билан касалланганлар сони Шарқий Европа ва Марказий Осиё ҳудудларида ўсаётганини кўряпмиз», — дея аниқлик киритади Гебрейесус.
Аввалроқ Жонс Ҳопкинс университети маълумотларига кўра, бутун дунё бўйлаб коронавирус инфекцияси билан касалланганлар сони 7 миллиондан ошгани, АҚШнинг ўзида 1,9 миллиондан ортиқ бемор қайд этилгани ҳақида хабар берилганди.
Мавзуга доир:
Изоҳ (0)