Аҳмат Қодиров номидаги хайрия жамғармаси Чеченистондаги 207 та кам таъминланган оилага келинларнинг қалин пулини тўлашда кўмак берди. Бу ҳақда «Грозний» Чеченистон давлат телерадиокомпанияси хабар қилган.
Моддий ёрдам уйланишга шайланаётгани, аммо коронавирус эпидемияси сабаб белгиланган чеклов меъёрлари сабаб келинлар қалин пулини тўлай олмаган оилаларга кўрсатилди. Ҳар бир оилага фонд маблағлари ҳисобидан 50 минг рубль пул тўлаб берилди.
Аҳмат Қодиров номидаги жамғарманинг келинлар қалин пулини тўлашда кам таъминланган оилаларга кўмак бериши ҳақида Чеченистон раҳбари Рамзан Қодиров 26 майда маълум қилганди.
Мавзуга доир: «Касал бўлсам нима қилибди, нима мен одам эмасманми? Касал бўлишга ҳақим йўқми?». Рамзан Қодиров — коронавирус ҳақида
Жамғарма кам таъминланган оилалар рўзғори, уларнинг янги квартира харид қилиши, тўйларини ўтказиши, Ҳаж сафарлари учун маблағлар ажратади. Рамзан Қодировнинг айтишича, 2019 йилда жамғарма Чеченистоннинг 409 минг аҳолисига моддий ёрдам кўрсатган. Ташкилот Чеченистон инфратузилма объектларининг қурилиши ва таъмирланишида ҳам иштирок этади. Фонд Европадаги энг катта масжид қурилишига маблағ ажратган.
Чеченистондан ташқари Шимолий Кавказнинг бошқа республикаларида ҳам келинларга қалин пули тўлаш анъанаси мавжуд. Чеченистонда пуллардан ташқари келин томонга озиқ-овқат маҳсулотлари ҳам юборилади.
Мавзуга доир: Рамзан Қодиров ингушларни сўккани учун узр сўради
Изоҳ (0)