Қозоғистонда коронавирусга чалинганлар сони 13 минг кишидан, Тожикистонда эса 4,6 минг кишидан ошди

Қозоғистонда ўтган бир сутка ичида яна 215 кишида коронавирус аниқланди, деб хабар беради Tengrinews.

Мамлакат бўйлаб касаллар сонининг ортиши 1,7 фоизни ташкил этмоқда. Коронавирусга чалиниш бўйича янги ҳолатлар қуйидаги ҳудудларда аниқланган:

• Павлодар вилояти — 16 (6 фоиз);
• Шарқий Қозоғистон вилояти — 9 (4,7 фоиз);
• Қарағанда вилояти — 41 (3,6 фоиз);
• Ғарбий Қозоғистон вилояти — 27 (3,3 фоиз);
• Жамбил вилояти — 11 (2,6 фоиз);
• Чимкент шаҳри — 22 (2,3 фоиз);
• Нур-Султон шаҳри — 42 (1,7 фоиз);
• Шимолий Қозоғистон вилояти — 1 (1,6 фоиз);
• Олмаота вилояти — 5 (1,1 фоиз);
• Костанай вилояти — 3 (1,5 фоиз);
• Манғистов вилояти — 3 (0,9 фоиз);
• Туркистон вилояти — 3 (0,8 фоиз);
• Олмаота шаҳри — 22 (0,8 фоиз);
• Атирау вилояти — 9 (0,7 фоиз);
• Ақмўла вилояти — 1 (0,6 фоиз).

Бутун мамлакат бўйлаб коронавирусга чалинганлар сони 13 074 кишига етган. Ҳозирга қадар 7737 киши соғайган, 58 киши вирус қурбонига айланган. Шунингдек, 1696 киши коронавирусни белгисиз ташувчи сифатида қайд этилган.Қирғизистонда 9 июнь ҳолатига кўра, яна 23 кишида коронавирус инфекцияси аниқланди. Бу ҳақда мамлакат Соғлиқни сақлаш вазирлигига таяниб, Kloop хабар берди.

Коронавирусга чалинган янги касалларнинг 6 нафари Бишкек шаҳрида аниқланган бўлса, 2 нафари Чуй вилояти ҳисобига тўғри келмоқда. Шунингдек, Ўш шаҳрида — 4 кишида, Ўш вилояти — 3 киши, Жалолобод вилояти — 3 кишида COVID-19 аниқланган.

Бутун мамлакат бўйлаб COVID-19 билан касалланганлар сони 2055 кишига етди, уларнинг 24 нафари вирус қурбонига айланган. Ҳозирга қадар 1483 нафар бемор даволанишга муваффақ бўлган.

Афғонистонда 9 июнь ҳолатига кўра, яна 575 кишида коронавирус аниқланди, деб хабар беради Tolo News.

Мамлакат Соғлиқни сақлаш вазирлигининг маълумотларига кўра, Афғонистонда коронавирусга чалинганлар сони 20 917 кишини ташкил этмоқда.

Бутун мамлакат бўйлаб коронавирус оқибатида вафот этганларнинг жами сони 369 кишига етди, ҳозирга қадар 2171 бемор даволанишга муваффақ бўлди. Таъкидланишича, бугунги кунгача коронавирусга 47 мингдан ортиқ тест ўтказилган.

Коронавирус тарқалишини реал вақтда кузатиб бораётган Жонс Ҳопкинс университети маълумотларига кўра, Тожикистонда коронавирус билан касалланганлар сони 4609 кишига етган.

Мамлакатда ҳозирга қадар 48 киши COVID-19 қурбонига айланган, 2763 бемор даволанишга муваффақ бўлган.

Ўзбекистонда 9 июнь соат 10:00 ҳолатига кўра коронавирусга чалинганлар сони 4448 нафарга етди. Ҳозирда Ўзбекистон бўйича 1073 нафар бемор даволанишни давом эттирмоқда — улардан 8 нафари оғир, 1 нафари эса ўта оғир аҳволда. Маълумот учун, шу вақтгача беморларнинг 3357 нафари соғайган, 18 нафари эса касаллик асоратлари оқибатида вафот этган.