Фарғона вилоятининг Марғилон шаҳрида бунёд этилган рақамли технологиялар марказининг очилиш маросими бўлиб ўтди, деб хабар берди «Дарё» мухбири.
Марказда электрон ахборот ресурс маркази, анжуманлар зали, видеостудия, стартап маркази, фрилансерлар мактаби мавжуд бўлиб, бу ерда дастурлаш, мобил илова, веб-дизайн, робототехника, киберспорт каби йўналишларда фаолият олиб борилади.
2,5 гектар майдонни эгаллаган марказда ёшларга ахборот технологиялари, электрон тижорат, дастурлаш, робототехника ва киберспорт асосларини ўргатиш ҳамда стартап лойиҳаларни қўллаб-қувватлаш учун зарур шароитлар яратилган.
Маълум бўлишича, 14 миллиард сўм маблағ эвазига бунёд этилган марказ йил давомида 2 мингдан ортиқ мутахассис тайёрлаш имкониятига эга.
Қайд этилишича, марказ фаолияти Россиянинг Morion digital технопарки ва Жанубий Корея тажрибаси асосида йўлга қўйилган.
Изоҳ (0)