Farg‘ona viloyatining Marg‘ilon shahrida bunyod etilgan raqamli texnologiyalar markazining ochilish marosimi bo‘lib o‘tdi, deb xabar berdi “Daryo” muxbiri.
Markazda elektron axborot resurs markazi, anjumanlar zali, videostudiya, startap markazi, frilanserlar maktabi mavjud bo‘lib, bu yerda dasturlash, mobil ilova, veb-dizayn, robototexnika, kibersport kabi yo‘nalishlarda faoliyat olib boriladi.
2,5 gektar maydonni egallagan markazda yoshlarga axborot texnologiyalari, elektron tijorat, dasturlash, robototexnika va kibersport asoslarini o‘rgatish hamda startap loyihalarni qo‘llab-quvvatlash uchun zarur sharoitlar yaratilgan.
Ma’lum bo‘lishicha, 14 milliard so‘m mablag‘ evaziga bunyod etilgan markaz yil davomida 2 mingdan ortiq mutaxassis tayyorlash imkoniyatiga ega.
Qayd etilishicha, markaz faoliyati Rossiyaning Morion digital texnoparki va Janubiy Koreya tajribasi asosida yo‘lga qo‘yilgan.
Izoh (0)