Бугун,

  • USD 10940.05
  • RUB 182.26
  • EUR 11121.65

Вазирлар Маҳкамасининг «Рўйхатга олинмаган қуролни, патронларни, ўқ-дориларни, портловчи моддаларни ва портлатиш қурилмаларини ички ишлар органларига ўз ихтиёри билан топшириш тартиби тўғрисидаги низомни тасдиқлаш ҳақида»ги қарори лойиҳаси эълон қилинди.

Фото: «Дарё»

Фото: «Дарё»

Унга кўра, рўйхатга олинмаган қуролни, патронларни, ўқ-дориларни, портловчи моддаларни ва портлатиш қурилмаларини ички ишлар органларига ўз ихтиёри билан топшириш тартиби тўғрисидаги низом тасдиқланади.

Низом билан жисмоний ва юридик шахслар томонидан муомалада бўлган рўйхатга олинмаган (ноқонуний муомалада бўлган) қуролни, патронларни, ўқ-дориларни, портловчи моддаларни ва портлатиш қурилмаларини ички ишлар органларига ўз ихтиёри билан топшириш ҳамда қурол ва (ёки) патронларни топширганлик учун тақдирлаш тартиби белгиланади.

Жисмоний ёки юридик шахс ички ишлар органларига қурол ва (ёки) уларнинг ўқ-дориларини ўз ихтиёри билан топширганлиги учун пул мукофоти билан тақдирланиши, 1974 йилгача ишлаб чиқарилган фуқаровий ўқотар қурол топширган жисмоний шахс эса уни имтиёзли олиш ҳуқуқига эга бўлиши мумкин.

Қурол ва (ёки) патронларни ўз ихтиёри билан топширган аризачининг хоҳишига кўра, пул мукофоти нақд шаклда ёки унинг ҳисоб рақамига пул ўтказиш йўли билан Қорақалпоғистон Республикаси Ички ишлар вазирининг, Тошкент шаҳар ва Тошкент вилояти ички ишлар бош бошқармалари ҳамда вилоятлар ички ишлар бошқармалари бошлиқларининг тақдирлаш тўғрисидаги буйруғи эълон қилинган кундан бошлаб беш иш кунидан кўп бўлмаган муддатда тегишли молия-иқтисод бошқарма (бўлим)лари томонидан амалга оширилади.

Ўз ихтиёри билан топширилган қурол ва ўқ-дорилар учун пул мукофоти базавий ҳисоблаш миқдори (223 000 сўм)нинг фоиздаги нисбатидан келиб чиқиб белгиланади. Хусусан,

  • жанговар ўқотар қуролнинг бир донаси учун БҲМнинг 200 фоизи;
  • сойли стволли ўқотар ов ва спорт қуроли, комбинацияланган ўқотар қурол, шу жумладан, алмаштириладиган ва жойлаштириладиган сойли стволли ўқотар ов қуролининг бир донаси учун 150 фоизи;
  • оғиз қисмидаги қувват 65 жоулдан юқори ва калибри 9 миллиметрдан ортиқ бўлган пневматик ов қуролининг бир донаси учун 100 фоизи миқдорида мукофот пули берилади.
Жиноят кодексининг 248-моддасига мувофиқ қуролни, патронларни, ўқ-дориларни, портловчи моддаларни ва портлатиш қурилмаларини ўз ихтиёри билан топширган жисмоний ва юридик шахс қонун ҳужжатларида белгиланган жавобгарликдан озод қилинади.

Изоҳ
Асосий янгиликлар