Тошкентдаги Эпидемиология, микробиология ва юқумли касалликлар илмий-текшириш институти клиникасида 14 нафар, Вирусология илмий-текшириш институти клиникасида 23 нафар, Тошкент тиббиёт академияси кўп тармоқли клиникасида ҳам 23 нафар ҳамда 3-сонли туғруқ мажмуасидан 4 нафар, жами 64 нафар бемор 4 июнь куни соғайиб, реабилитацияга кузатилди, деб хабар бермоқда ССВ матбуот хизмати.
Эпидемиология, микробиология ва юқумли касалликлар илмий-текшириш институти клиникасида тузалганларнинг 11 нафар эркак, 3 нафари аёл бўлиб, ёши каттаси 59 ёшда, ёши кичиги 23 ёшда. Ҳудудлар кесимида олинса, 4 нафари Тошкент вилоятидан, 3 нафари Фарғона вилоятидан, 1 нафари Тошкент шаҳридан, Наманган, Сурхондарё ва Қашқадарё вилоятларидан 2 нафардан.
Вирусология илмий-текшириш институти клиникасида тузалганларнинг 14 нафари эркак, 9 нафари аёл бўлиб, ёши каттаси 68 ёшда, ёши кичиги 6 ёшда. Ҳудудлар кесимида олинса, 6 нафари Тошкент вилоятидан, 4 нафари Андижон вилоятидан, 3 нафари Қашқадарё вилоятидан, Тошкент шаҳри ва Хоразм вилоятидан 2 нафардан, Қорақалпоғистон Республикаси, Сурхондарё, Наманган, Сирдарё, Бухоро, Самарқанд вилоятларидан 1 нафардан.
Тошкент тиббиёт академияси кўп тармоқли клиникасида тузалганларнинг 12 нафари эркак, 11 нафари аёл бўлиб, ёши каттаси 64 ёшда, ёши кичиги 3 ёшда. Ҳудудлар кесимида оладиган бўлсак, 15 нафари Тошкент шаҳридан, Фарғона ва Тошкент вилоятларидан 3 нафардан, Қашқадарё ва Сирдарё вилоятларидан 1 нафардан.
3-сонли туғруқ мажмуасида шифо топган 4 нафар аёлларнинг ёши каттаси 38 ёшда, ёши кичиги 29 ёшда. Ҳудудлар кесимида олинса, Навоий, Самарқанд, Фарғона ва Хоразм вилоятларидан 1 нафардан.
Тошкент шаҳрида шу пайтга қадар тузалганлар 1 170 нафар ташкил қилган бўлса, эндиликда улар 1 234 нафарга етди.
Бундан аввал Қорақалпоғистонда 4 киши соғайиб чиққани хабар берилган эди. Бугун кун давомида Ўзбекистон бўйлаб коронавирус инфекциясидан 68 нафар бемор тузалиб, жами соғайганлар сони 3 082 нафарга етди.
Касалланганларнинг умумий сони эса 4 июнь соат 10:00 ҳолатига кўра, 3 874 кишини ташкил қилмоқда, беморларнинг 16 нафари коронавирус инфекцияси асоратлари оқибатида вафот этган.
Изоҳ (0)