Қорақалпоғистон Республикаси юқумли касалликлар шифохонасида 4 нафар коронавирусга чалинган бемор 4 июнь куни соғайди ва реабилитацияга кузатилди, деб хабар бермоқда ССВ матбуот хизмати.
Тузалганларнинг барчаси эркак бўлиб, ёши каттаси 43 ёшда, ёши кичиги 25 ёшда. Ҳудудлар кесимида олинса Бухоро ва Тошкент вилоятларидан 1 нафардан, шунингдек, Украина республикасидан 2 нафар фуқаро борлиги ҳам айтилган.
Қайд этилишича, эндиликда Қорақалпоғистонда соғайганлар сони 133 нафарга етиб, ҳозирда даволанаётганлар 3 нафарни ташкил этмоқда. Ушбу ҳудуд коронавирусдан холи бўлишга жуда яқин турибди.
Ўзбекистонда коронавирусдан соғайганлар сони 3 014 нафарга етгани хабар берилган эди. Энди эса улар сони 3 018 нафарга етди.
Касалланганларнинг умумий сони эса 4 июнь соат 10:00 ҳолатига кўра, 3 874 кишини ташкил қилмоқда, беморларнинг 16 нафари коронавирус инфекцияси асоратлари оқибатида вафот этган.
Изоҳ (0)