Бугун,

  • USD 10940.05
  • RUB 182.26
  • EUR 11121.65

Тошкент вилоятида инфекция тарқалишининг олдини олиш, фуқаролар хавфсизлиги ва уларнинг саломатлигини асраш юзасидан кучайтирилган карантин тадбирларини назорат қилишга ИИББдан 1,5 минг нафар ходим жалб қилинган.

Фото: «Дарё»

Фото: «Дарё»

Бошқарма матбуот хизматининг хабар беришича, 29 май кун олиб борилган тадбирлар ва ўтказилаётган рейдлар давомида фуқаролар томонидан карантин қоидаларини бузиш билан боғлиқ 1 400 та ҳолат қайд этилди ва қонуний чора кўрилди.

Шунингдек, 15 та ҳолатда карантин тадбирларида хизмат олиб бораётган ички ишлар органлари ходимларининг қонуний талабларини бажармаслик кузатилган бўлса, 1655 нафар фуқаро расмий огоҳлантирилган. Ушбу аниқланган ҳолатларнинг 600 га яқини Ангрен, Олмалиқ шаҳарлари ва Ўрта Чирчиқ туманларига тўғри келади.

Шунингдек, карантин қоидаларини бузиш ҳолатлари тадбирлар бошидан бугунги кунга қадар 36 минг ортиқ бўлса, ходимларнинг қонуний талабларини бажармаслик билан боғлиқ 1800 дан ортиқ ҳолат аниқланган. Ушбу аниқланган ҳолатларнинг барчасига қонуний чоралар кўрилган. Вилоят бўйича 104 мингдан ортиқ фуқаро расмий огоҳлантирилган.

Қоидабузарликларнинг 3500 таси Ангрен шаҳрига тўғри келса, 7500 ортиқ ҳолатлар Янгийўл ва Қибрай туманлари ҳамда Олмалиқ шаҳарларига тўғри келади.

Эслатиб ўтамиз, эпидемик вазият келиб чиқиб, 30 май ҳолатига Тошкент вилоятининг 7 та туман-шаҳарлари (Бекобод шаҳри, Зангиота, Қибрай, Паркент, Юқори Чирчиқ, Янгийўл ва Тошкент туманлари) «қизил» ҳудудга киритилган бўлса, 9 таси (Ангрен, Чирчиқ, Нурафшон ва Янгийўл шаҳарлари, Оққўрғон, Бекобод, Қуйи Чирчиқ, Ўрта Чирчиқ ва Чиноз туманлари) «сариқ» тоифага, қолган 6 таси (Олмалиқ ва Оҳангарон шаҳри, Оҳангарон, Бўстонлиқ, Бўка, Пискент туманлари) «яшил» ҳудудлар тоифасига киритилган.

Изоҳ
Асосий янгиликлар