Ўзбекистон Президенти Чоштепа ва Қипчоқ мавзелари негизида Тошкент шаҳар ҳокимлигига тўғридан-тўғри бўйсунадиган алоҳида Янги ҳаёт кичик туманини ташкил этиш ташаббусини илгари сурди. Шавкат Мирзиёев ушбу туманга Ҳаёт Иноғомовни ҳоким этиб тайинлашни таклиф қилди. Бу ҳақда «Ахборот 24» дастурида маълум қилинди.
Ҳаёт Иноғомов (1986 йилда туғилган) 2008 йили Тошкент автомобиль йўлларини лойиҳалаш, қуриш ва эксплуатацияси институтини тамомлаган. 2007—2009 йилларда «Махсустранс» бош мутахассиси сифатида ишлаган, 2009—2011 йилда эса Technologie De L’avenir компанияси бўлим бошлиғи, 2012—2017 йилларда — компания директори лавозимларида фаолият кўрсатган.
2011—2012 йилларда Аtlant Мetal, 2017—2018 йиллар эса Pallada Investment қўшма корхонасига раҳбарлик қилган.
2018 йили Вазирлар Маҳкамаси ҳузуридаги Tashkent City халқаро ишбилармонлик маркази раҳбарининг биринчи ўринбосари лавозимида ишлаган. Шунингдек, 2018 йилдан пойтахт ҳокими ўринбосари — Тошкент шаҳар каналлардан фойдаланиш ва уларга туташ ҳудудларни ободонлаштириш бошқармаси бошлиғи лавозимида ишлаб келаётганди.
Эслатиб ўтамиз, Шавкат Мирзиёев 29 май куни Сергели туманига бориб, жойларда амалга оширилаётган ишлаб билан танишган эди.
Изоҳ (0)